Asad uciok u Rasiju i paprasiŭ palityčny prytułak
Były kiraŭnik Siryi prylacieŭ u Maskvu sa svajoj siamjoj.
Bašar Asad i Uładzimir Pucin. Fota: Kremlin Press Office / Handout/Anadolu Agency/Getty Images
Bašar Asad prylacieŭ ź siamjoj u Rasiju i paprasiŭ palityčny prytułak.
Jaho prośba była zadavolena, paviedamlaje TASS sa spasyłkaj na krynicy ŭ Kramli.
«Asad razam z členami svajoj siamji prybyŭ u Maskvu. Rasija, kirujučysia humanitarnymi mierkavańniami, nadała im prytułak», — adznačyła krynica.
Paviedamlajecca, što lidary paŭstancaŭ harantavali biaśpieku rasijskich vajskovych baz i dypłamatyčnych ustanoŭ.
Asad pakinuŭ Damask siońnia ranicaj paśla taho, jak u stalicu Siryi ŭvajšli ŭzbrojenyja paŭstancy. Pry hetym paviedamlałasia, što vajskovy samalot z Asadam źnik z radaraŭ nieŭzabavie paśla ŭźlotu. Adnak źviestki ab tym, što samalot byŭ źbity rakietaj ci izrailskimi VPS, nie paćvierdzilisia.
Siamja Asadaŭ kiravała Siryjaj bolš za 50 hadoŭ.
Čytajcie taksama:
Izrail nanios avijaŭdary pa Damasku. I zaniaŭ častku terytoryi Siryi na Hałanskich vyšyniach
Źjaviłasia videa luksavych aŭto z haraža Bašara Asada
MZS Rasii pierastała nazyvać siryjskich paŭstancaŭ terarystami — ciapier kažuć pra apazicyju
Bašar Asad pakinuŭ pasadu prezidenta Siryi i krainu — MZS Rasii
Frydman: Los Asada pakazvaje, što Łukašenku «arešniki» nie dapamohuć