Мікрапазыкі цяпер будуць выдавацца на іншых умовах

Аляксандр Лукашэнка падпісаў закон «Аб спажывецкім крэдыце і спажывецкай мікрапазыцы», паведаміла прэс-служба палітыка.

Асноўныя новаўвядзенні, якія ўводзяцца законам:

• будзе абавязкова ацэньвацца крэдытаздольнасць атрымальнікаў мікрапазык;
• фізасобы змогуць атрымаць больш разгорнутую інфармацыю пра ўмовы крэдыту (мікрапазыкі);
• абмяжоўваецца памер працэнтаў па дамове спажывецкай мікрапазыкі (раней паведамлялася, што памер працэнтаў не зможа перавышаць суму мікрапазыкі пры тэрміне да аднаго года і двухразовую суму мікрапазыкі пры тэрміне звыш аднаго года);
• забараняецца спаганяць няўстойку за датэрміновае вяртанне спажывецкага крэдыту і дадатковых плацяжоў за карыстанне крэдытам (мікрапазыкай);
• крэдытаатрымальнікі, якія знаходзяцца ў цяжкай жыццёвай сітуацыі, змогуць атрымліваць адтэрміноўкі плацяжу (страта працы, смерць мужа і г.д.).

Акрамя таго, закон утрымлівае норму аб унясенні змяненняў у Грамадзянскі кодэкс у частцы вызначэння ў дамовы арэнды (акрамя дамовы лізінгу) памеру арэнднай платы толькі ў беларускіх рублях.

Каментары да артыкула