Мінчук спецыяльна паехаў за мяжу, каб перавесці грошы тэлефонным махлярам
У міліцыю звярнуўся 36-гадовы мінчук, які стаў ахвярай тэлефонных аферыстаў. Мужчыну патэлефанаваў невядомы, які прадставіўся работнікам банка, і паведаміў, што зламыснікі аформілі на яго некалькі крэдытаў, піша прэс-служба МУС.
Каб іх ануляваць і прадухіліць страту грошай, мінчуку прапанавалі запісаць відэа з адмовай ад усіх банкаўскіх аперацый. Каб пазбегнуць праблем з законам суразмоўца забараніў каму-небудзь распавядаць пра тое, што здарылася.
Далей пайшла гісторыя аб будучым ператрусе і неабходнасці «задэклараваць зберажэнні».
Для гэтага пацярпеламу сказалі адправіцца ў суседнюю краіну, абгрунтаваўшы тым, што ў Беларусі для яго заблакаваныя ўсе транзакцыі.
Па вяртанні дадому ахвяру пераканалі павялічыць крэдытную нагрузку і ўзяць пазыку нібыта для таго, каб ўяўныя ашуканцы не змаглі аформіць на яго новыя крэдыты.
Частку з гэтых сродкаў ён перавёў «на бяспечны рахунак» добраахвотна, а калі грошы з карты пачалі спісвацца без яго ўдзелу, зразумеў, што стаў ахвярай падману.
У суме мінчук аддаў аферыстам 130 тысяч рублёў.
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары
ра-
се-
я