У школе ў Пецярбургу павесілі фатаграфіі ўдзельнікаў Рускага добраахвотніцкага корпусу з надпісам «героі Расіі»
Фотаздымкі Дзяніса Капусціна і Аляксея Леўкіна, якія ваююць на баку Украіны, вывесілі на стэндзе інфармацыі ад паліцыі.
У холе адной са школ Санкт-Пецярбурга 26 снежня вывесілі фатаграфіі заснавальніка рускага Добраахвотніцкага корпуса Дзяніса Капусціна і ўдзельніка батальёна Аляксея Леўкіна, якія ваююць на баку УСУ.
Фатаграфіі з'явіліся на стэндзе «інфармацыя ад інспектара аддзела па справах непаўналетніх». Абодва здымкі падпісалі як «героі Расіі», піша «Фантанка».
У школу выклікалі паліцыю, сілавікі затрымалі намесніка дырэктара па выхаваўчай працы, але яна адмаўляе сваё дачыненне да інцыдэнту.
Паліцыя шукае тых, хто раздрукаваў і вывесіў фота ў школе. Вырашаецца пытанне аб крымінальнай справе па артыкуле аб «апраўданні тэрарызму».
Дзяніс Капусцін і Аляксей Леўкін у Расіі завочна арыштаваныя паводле абвінавачванняў у тэрарызме. Заснавальнік РДК двойчы завочна асуджаны ў Расіі на пажыццёвае зняволенне паводле абвінавачванняў у дзяржаўнай здрадзе і злачынствах, звязаных з удзелам у баявых дзеяннях на баку Украіны.
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна24
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1818
Каментары