Зяленскі анансаваў сустрэчу ўкраінскіх і амерыканскіх дыпламатаў
Сустрэча амерыканскай і ўкраінскай дэлегацый запланаваная на 24 сакавіка. У гэты дзень прадстаўнікі ЗША таксама сустрэнуцца з расіянамі, сказаў прэзідэнт Украіны Уладзімір Зяленскі падчас брыфінгу ў Осла падчас свайго візіту ў Нарвегію.
Уладзімір Зяленскі. Фота: AP Photo/STR
Прэзідэнт Украіны таксама ўдакладніў, што частковае спыненне агню тычыцца аб'ектаў энергасістэмы, а таксама «іншай цывільнай інфраструктуры».
Як адзначыў Зяленскі, Украіна падрыхтуе пералік аб'ектаў інфраструктуры, якія, на думку Кіева, з'яўляюцца «цывільнай інфраструктурай».
Таксама ён абверг тое, што з прэзідэнтам ЗША Дональдам Трампам ён нібыта абмяркоўваў пытанне ўласнасці на ўкраінскія атамныя станцыі.
«Яны [ЗША] хочуць яе [Запарожскую АЭС] забраць у расіян і хочуць інвеставаць, мадэрнізаваць. Гэта пытанне іншае. Гэтае пытанне адкрытае. Мы можам пра гэта казаць. Але пытанне ўласнасці мы дакладна не абмяркоўвалі з прэзідэнтам Трампам», — падкрэсліў Зяленскі.
Чытайце таксама:
Зяленскі перапыніў брыфінг, бо яму ў прамым эфіры пазваніў Макрон
Зяленскі заявіў, што Украіна атрымала новую партыю знішчальнікаў F-16
Зяленскі: З Трампам абмяркоўвалі перадачу ЗША Запарожскай АЭС
Зяленскі папрасіў у Трампа больш Patriot, і той абяцаў пашукаць