Zialenski anansavaŭ sustreču ŭkrainskich i amierykanskich dypłamataŭ
Sustreča amierykanskaj i ŭkrainskaj delehacyj zapłanavanaja na 24 sakavika. U hety dzień pradstaŭniki ZŠA taksama sustrenucca z rasijanami, skazaŭ prezident Ukrainy Uładzimir Zialenski padčas bryfinhu ŭ Osła padčas svajho vizitu ŭ Narviehiju.
Uładzimir Zialenski. Fota: AP Photo/STR
Prezident Ukrainy taksama ŭdakładniŭ, što častkovaje spynieńnie ahniu tyčycca abjektaŭ enierhasistemy, a taksama «inšaj cyvilnaj infrastruktury».
Jak adznačyŭ Zialenski, Ukraina padrychtuje pieralik abjektaŭ infrastruktury, jakija, na dumku Kijeva, źjaŭlajucca «cyvilnaj infrastrukturaj».
Taksama jon abvierh toje, što z prezidentam ZŠA Donaldam Trampam jon nibyta abmiarkoŭvaŭ pytańnie ŭłasnaści na ŭkrainskija atamnyja stancyi.
«Jany [ZŠA] chočuć jaje [Zaparožskuju AES] zabrać u rasijan i chočuć inviestavać, madernizavać. Heta pytańnie inšaje. Hetaje pytańnie adkrytaje. My možam pra heta kazać. Ale pytańnie ŭłasnaści my dakładna nie abmiarkoŭvali z prezidentam Trampam», — padkreśliŭ Zialenski.
Čytajcie taksama:
Zialenski pierapyniŭ bryfinh, bo jamu ŭ pramym efiry pazvaniŭ Makron
Zialenski zajaviŭ, što Ukraina atrymała novuju partyju źniščalnikaŭ F-16
Zialenski: Z Trampam abmiarkoŭvali pieradaču ZŠA Zaparožskaj AES
Zialenski paprasiŭ u Trampa bolš Patriot, i toj abiacaŭ pašukać