Культурнай сталіцай Беларусі 2026 года абвясцілі Паставы

Рашэнне абвясціць культурнай сталіцай Беларусі 2026 года Паставы прынялі на калегіі Міністэрства культуры, паведамляе БелТА.

Паставы. Фота: vedaj.by

На званне культурнай сталіцы прэтэндавалі пяць гарадоў: Паставы, Мазыр, Ваўкавыск, Асіповічы і Салігорск Мінскай вобласці. Рашэнне, хто з іх пераможа, прымалася, па словах першага намесніка міністра культуры Дзмітрыя Шляхціна, «таемным галасаваннем без абмеркавання».

Намеснік старшыні Пастаўскага райвыканкама Станіслаў Чымбург заявіў, што горад з годнасцю прыме званне культурнай сталіцы і акажа гасцям добры прыём.

Ён падкрэсліў, што ў чэрвені на тэрыторыі Пастаўскага раёна пройдзе «вельмі знакавая падзея» — спартыўна-культурны фестываль «Вытокі». А ў канцы ліпеня ў Паставах пройдзе 35-ты міжнародны фестываль народнай музыкі «Звіняць цымбалы і гармонік».

Каментары да артыкула