Kulturnaj stalicaj Biełarusi 2026 hoda abviaścili Pastavy

Rašeńnie abviaścić kulturnaj stalicaj Biełarusi 2026 hoda Pastavy pryniali na kalehii Ministerstva kultury, paviedamlaje BiełTA.

Pastavy. Fota: vedaj.by

Na zvańnie kulturnaj stalicy pretendavali piać haradoŭ: Pastavy, Mazyr, Vaŭkavysk, Asipovičy i Salihorsk Minskaj vobłaści. Rašeńnie, chto ź ich pieramoža, prymałasia, pa słovach pieršaha namieśnika ministra kultury Dźmitryja Šlachcina, «tajemnym hałasavańniem biez abmierkavańnia».

Namieśnik staršyni Pastaŭskaha rajvykankama Stanisłaŭ Čymburh zajaviŭ, što horad z hodnaściu prymie zvańnie kulturnaj stalicy i akaža haściam dobry pryjom.

Jon padkreśliŭ, što ŭ červieni na terytoryi Pastaŭskaha rajona projdzie «vielmi znakavaja padzieja» — spartyŭna-kulturny fiestyval «Vytoki». A ŭ kancy lipienia ŭ Pastavach projdzie 35-ty mižnarodny fiestyval narodnaj muzyki «Źviniać cymbały i harmonik».

Kamientary da artykuła