Міколу Дзядка не выпусцяць па сканчэнні тэрміну — яго перавялі ў СІЗА ў Калядзічах
Пра гэта ў тэлеграм-канале пра палітзняволенага паведамілі яго сябры.
Мікалай Дзядок. Фота: сацсеткі
У СІЗА ў Калядзічах анархіста перавялі праз новую крымінальную справу, але падрабязнасці невядомыя.
У верасні 2024 года супраць Дзядка ўжо распачалі крымінальную справу аб злосным непадпарадкаванні адміністрацыі турмы (частка 1 арт. 411 КК). Ці быў суд і якія яго вынікі, незразумела.
Тады паведамлялася, што на волю актывіст павінен быў выйсці 25 красавіка 2025 года. Цяпер яго сябры напісалі, што меркаванай датай вызвалення Дзядка магло стаць 4 красавіка.
З лета па восень 2024 года Дзядок больш за 100 дзён правёў у ШЫЗА.
10 лістапада 2021 года Мінскі гарадскі суд прыгаварыў анархіста да 5 гадоў калоніі. Яго прызналі вінаватым па трох артыкулах: заклікі да дзеянняў супраць нацбяспекі Беларусі (частка 3 артыкула 361 КК), удзел у грубым парушэнні парадку (частка 1 артыкула 342 КК) і незаконныя дзеянні ў дачыненні да гаручых рэчываў (Частка 1 артыкула 295-3). У канцы лістапада 2021 стала вядома аб пераводзе Мікалая з СІЗА-1 у магілёўскую Следчую турму №4.
Затрымалі Дзядка 11 лістапада 2020 года.
Чытайце таксама:
Пабачыла свет кніга Міколы Дзядка
Мікола Дзядок чатыры месяцы знаходзіцца ў ШІЗА
«Сядзіць у адзіночцы, вучыць нямецкую і арабскую». З'явіліся навіны пра палітвязня Міколу Дзядка