На сайце МУС ужо нельга праверыць забарону на выезд з Беларусі
Міністэрства ўнутраных спраў прыбрала са свайго сайта магчымасць праверкі сябе на наяўнасць забароны на выезд з Беларусі, заўважыла «Медыязона».
Будынак Міністэрства ўнутраных спраў у Мінску. Фота: Wikimedia Commons
Раней у асабістым кабінеце на сайце МУС у раздзеле фізічных асоб можна было праверыць неаплачаныя штрафы па лініі ДАІ і абмежаванні на выезд з Беларусі.
Так выглядаў сайт у красавіку 2024. Скрыншот neg.by
Цяпер на сайце праверку на абмежаванні прыбралі. Калі менавіта адбыліся змены, невядома. Але год таму выданне «Экономическая газета» апублікавала інструкцыю аб праверцы сябе на прадмет абмежаванняў на выезд, дзе гэты пункт яшчэ быў на скрыншотах сайта МУС.
Так сайт выглядае цяпер. Скрыншот: «Медыязона»
Такім чынам, у беларусаў засталася магчымасць праверыць, ці ёсць у іх абмежаванне на выезд з Беларусі, толькі пры асабістым звароце ў аддзел грамадзянства і міграцыі РУУС па месцы рэгістрацыі або фактычнага пражывання.
UPD. На наступны дзень пасля таго, як інфармацыя пра гэта з'явілася ў СМІ, магчымасць праверыць абмежаванне на выезд ізноў з'явілася.
Чытайце таксама:
Улады Гомельскай вобласці закрылі чаты ў месенджарах для скаргаў насельніцтва, якія самі і адкрывалі
Лукашэнка забараніў Снапкову лаяцца матам на міністраў і біць іх па галаве