Na sajcie MUS užo nielha pravieryć zabaronu na vyjezd ź Biełarusi
Ministerstva ŭnutranych spraŭ prybrała sa svajho sajta mahčymaść pravierki siabie na najaŭnaść zabarony na vyjezd ź Biełarusi, zaŭvažyła «Miedyjazona».
Budynak Ministerstva ŭnutranych spraŭ u Minsku. Fota: Wikimedia Commons
Raniej u asabistym kabiniecie na sajcie MUS u raździele fizičnych asob možna było pravieryć nieapłačanyja štrafy pa linii DAI i abmiežavańni na vyjezd ź Biełarusi.
Tak vyhladaŭ sajt u krasaviku 2024. Skrynšot neg.by
Ciapier na sajcie pravierku na abmiežavańni prybrali. Kali mienavita adbylisia źmieny, nieviadoma. Ale hod tamu vydańnie «Ekonomičieskaja hazieta» apublikavała instrukcyju ab praviercy siabie na pradmiet abmiežavańniaŭ na vyjezd, dzie hety punkt jašče byŭ na skrynšotach sajta MUS.
Tak sajt vyhladaje ciapier. Skrynšot: «Miedyjazona»
Takim čynam, u biełarusaŭ zastałasia mahčymaść pravieryć, ci jość u ich abmiežavańnie na vyjezd ź Biełarusi, tolki pry asabistym zvarocie ŭ adździeł hramadzianstva i mihracyi RUUS pa miescy rehistracyi abo faktyčnaha pražyvańnia.
UPD. Na nastupny dzień paśla taho, jak infarmacyja pra heta źjaviłasia ŭ ŚMI, mahčymaść pravieryć abmiežavańnie na vyjezd iznoŭ źjaviłasia.