Паказалі партрэт Трампа, які яму ў сакавіку падарыў Пуцін
Тэлеканал CNN паказаў партрэт прэзідэнта ЗША Дональда Трампа, які ў сакавіку падарыў яму Пуцін. Аўтар партрэта — расійскі мастак Нікас Сафронаў.
На партрэце Трамп намаляваны пасля замаху на яго ў ліпені 2024 года, падчас прэзідэнцкай кампаніі — з акрываўленым тварам і паднятым уверх кулаком.
Па словах Нікаса Сафронава, ён, маўляў, не стаў браць грошы за працу, бо «адразу зразумеў, якую ролю гэты партрэт можа адыграць у збліжэнні ЗША і Расіі».
У канцы сакавіка спецпасланнік Трампа па Блізкім Усходзе Стыў Уіткаф пасля сустрэчы з Уладзімірам Пуціным расказаў, што перадаў Дональду Трампу ягоны партрэт у падарунак ад расійскага прэзідэнта. Па словах Уіткафа, гэты партрэт Пуцін заказаў у «вядучага расійскага мастака», але яго імя спецпасланнік не назваў. Цяпер жа Сафронаў сам прызнаўся ў сваім аўтарстве ў інтэрв'ю CNN.
Чытайце таксама:
Трамп паабяцаў раскрыць дэталі «мірнага пагаднення» паміж Расіяй і Украінай на працягу трох дзён
ЗША прапанавалі Кіеву прызнаць Крым расійскім і адмовіцца ад уступлення ў НАТА — WSJ
Пасланнік Трампа Уіткаф зноў можа наведаць Расію на гэтым тыдні
«Пытанне закрытае». Кіт Келаг заявіў, што Украіна не стане членам НАТА
ЗША на наступным тыдні хочуць узгадніць у Лондане поўнае спыненне агню ва Украіне