У Брэсцкай вобласці быкі на фермах траўмавалі людзей
У бальніцы Брэсцкай вобласці звярнуліся двое работнікаў фермаў, пацярпелых ад нападаў быкоў. Інцыдэнты адбыліся ў Пінскім і Лунінецкім раёнах, расказалі ва ўпраўленні Дзяржаўнага камітэта судовых экспертыз па Брэсцкай вобласці.
Здымак ілюстрацыйны. Фота: pixabay.com
35-гадовы жыхар Пінскага раёна паведаміў, што працуе на ферме і атрымаў траўму пры перагоне быкоў на ўзважванне. Адна з жывёлін раптам ударыла яго ў грудную клетку.
Мужчына адчуў рэзкі боль і звярнуўся па медыцынскую дапамогу. У пацярпелага дыягнаставаныя пераломы двух рэбраў. Эксперты кваліфікавалі траўму як менш цяжкую.
Падобны выпадак адбыўся ў Лунінецкім раёне. Падчас узважвання бык ударыў 53-гадовую жанчыну-вартаўніка ў галаву і грудзі.
У яе дыягнаставалі закрытую чэрапна-мазгавую траўму, страсенне галаўнога мозгу і сінякі. Пашкоджанні кваліфікавалі як лёгкія.
Чытайце таксама:
Пад Добрушам дырэктарка аграпрадпрыемства два месяцы збівала галоўную бухгалтарку
У Камянецкім раёне стварылі ферму з гадаванцамі, мяса якіх спажываюць у дарагіх рэстаранах
«Норм ці стром працаваць у калгасе?» Беларускія аграрыі адказалі на няпростыя пытанні пра сваё жыццё