U Bresckaj vobłaści byki na fiermach traŭmavali ludziej
U balnicy Bresckaj vobłaści źviarnulisia dvoje rabotnikaŭ fiermaŭ, paciarpiełych ad napadaŭ bykoŭ. Incydenty adbylisia ŭ Pinskim i Łuninieckim rajonach, raskazali va ŭpraŭleńni Dziaržaŭnaha kamiteta sudovych ekśpiertyz pa Bresckaj vobłaści.
Zdymak ilustracyjny. Fota: pixabay.com
35-hadovy žychar Pinskaha rajona paviedamiŭ, što pracuje na fiermie i atrymaŭ traŭmu pry pierahonie bykoŭ na ŭzvažvańnie. Adna z žyviolin raptam udaryła jaho ŭ hrudnuju kletku.
Mužčyna adčuŭ rezki bol i źviarnuŭsia pa miedycynskuju dapamohu. U paciarpiełaha dyjahnastavanyja pierałomy dvuch rebraŭ. Ekśpierty kvalifikavali traŭmu jak mienš ciažkuju.
Padobny vypadak adbyŭsia ŭ Łuninieckim rajonie. Padčas uzvažvańnia byk udaryŭ 53-hadovuju žančynu-vartaŭnika ŭ hałavu i hrudzi.
U jaje dyjahnastavali zakrytuju čerapna-mazhavuju traŭmu, strasieńnie hałaŭnoha mozhu i siniaki. Paškodžańni kvalifikavali jak lohkija.
Čytajcie taksama:
Pad Dobrušam dyrektarka ahrapradpryjemstva dva miesiacy źbivała hałoŭnuju buchhałtarku
U Kamianieckim rajonie stvaryli fiermu z hadavancami, miasa jakich spažyvajuć u darahich restaranach