У Крамлі пацвердзілі падрыхтоўку размовы Пуціна з Трампам
Прэс-сакратар прэзідэнта Расіі Дзмітрый Пяскоў пацвердзіў дзяржаўнаму інфармацыйнаму агенцтву ТАСС падрыхтоўку тэлефоннай размовы Уладзіміра Пуціна і прэзідэнта ЗША Дональда Трампа.
Дзмітрый Пяскоў з Уладзімірам Пуціным. Фота: Sputnik, Kremlin Pool Photo via AP
«Пяскоў пацвердзіў ТАСС, што тэлефонная размова Пуціна з Трампам рыхтуецца», — паведаміла інфармагенцтва.
Перад гэтым прэзідэнт ЗША Дональд Трамп анансаваў тэлефонную размову з кіраўніком Расіі Уладзімірам Пуціным у панядзелак 19 траўня, а пасля гэтага — размову з прэзідэнтам Украіны Уладзімірам Зяленскім і саюзнікамі па НАТА.
Як напісаў Трамп у сваёй сацыяльнай сетцы Truth Social, размова з Пуціным павінна адбыцца а 10-й гадзіне раніцы па Вашынгтонскім часе (17:00 па Мінску). Гаворка пойдзе пра спыненне расійска-ўкраінскай вайны.
Чытайце таксама:
Трамп паведаміў, што ў панядзелак будзе гаварыць з Пуціным
Трамп не стаў лічыць Пуціна перашкодай на шляху да міру