У Мінску назіраецца пік актыўнасці кляшчоў
У Мінску адзначаецца сезон актыўнасці кляшчоў, праз укус якіх могуць перадавацца ўзбуджальнікі кляшчовых інфекцый — хваробы Лайма і кляшчавога энцэфаліту, піша БелТА.
За студзень—красавік гэтага года колькасць зваротаў жыхароў Мінска ва ўстановы аховы здароўя з прычыны укусаў іксодавымі кляшчамі знаходзіцца на ўзроўні аналагічнага перыяду мінулага года. Найчасцей кляшчы нападалі ў сельскай мясцовасці, на загарадных дачных участках і ў лясах.
З пачатку года ў Мінску і на замацаваных тэрыторыях праведзены акарыцыдныя апрацоўкі на плошчы каля 100 га.
Спецыялісты нагадваюць, што заражэнне кляшчавым энцэфалітам можа адбыцца і пры ўжыванні сырога малака (часцей ад коз, заражаных вірусам кляшчавога энцэфаліту). Таму малако рэкамендуецца піць толькі ў кіпячонам выглядзе.
Чытайце таксама:
Навукоўцы налічылі ў Беларусі 12 відаў кляшчоў