U Minsku nazirajecca pik aktyŭnaści klaščoŭ
U Minsku adznačajecca siezon aktyŭnaści klaščoŭ, praz ukus jakich mohuć pieradavacca ŭzbudžalniki klaščovych infiekcyj — chvaroby Łajma i klaščavoha encefalitu, piša BiełTA.
Za studzień—krasavik hetaha hoda kolkaść zvarotaŭ žycharoŭ Minska va ŭstanovy achovy zdaroŭja z pryčyny ukusaŭ iksodavymi klaščami znachodzicca na ŭzroŭni anałahičnaha pieryjadu minułaha hoda. Najčaściej klaščy napadali ŭ sielskaj miascovaści, na zaharadnych dačnych učastkach i ŭ lasach.
Z pačatku hoda ŭ Minsku i na zamacavanych terytoryjach praviedzieny akarycydnyja apracoŭki na płoščy kala 100 ha.
Śpiecyjalisty nahadvajuć, što zaražeńnie klaščavym encefalitam moža adbycca i pry ŭžyvańni syroha małaka (čaściej ad koz, zaražanych virusam klaščavoha encefalitu). Tamu małako rekamiendujecca pić tolki ŭ kipiačonam vyhladzie.
Čytajcie taksama:
Navukoŭcy naličyli ŭ Biełarusi 12 vidaŭ klaščoŭ
Ad klaščoŭ abaronić hety aptečny srodak
«Mnie ŭžo kiepska». Biełarus pakazaŭ našeście klaščoŭ u rajonie