Усяго патроху88

Ад кляшчоў абароніць гэты аптэчны сродак

Энтамолаг з 40-гадовым стажам раіць просты спосаб, які дапаможа пазбегнуць укусу кляшча.

Клешч
Клешч. Фота: Wikimedia Commons

Амерыканскі энтамолаг Томас Мазер ужо больш за 40 гадоў вывучае кляшчоў і хваробы, якія яны пераносяць. У інтэрв’ю The Washington Times ён запэўнівае: адна з самых эфектыўных і недарагіх мераў абароны — раз на месяц апрацоўваць абутак сродкам з перметрынам.

Чаму менавіта абутак?

Кляшчы найчасцей падымаюцца знізу — з травы, апалага лісця і кустоў. Абутак становіцца першым пунктам кантакту: німфы і лічынкі памерам з макавае зерне непрыкметна чапляюцца да тканіны, а потым перабіраюцца на скуру.

Таму, як кажа Мазер, «калі вы не можаце ўбачыць кляшча, сканцэнтруйцеся на тым, адкуль ён можа на вас трапіць».

Які сродак падыдзе?

У беларускіх аптэках прадаецца «Перметрын 0,5% спрэй» — прэпарат, які звычайна ўжываюць для лячэння педыкулёзу. Ён каштуе каля 6—10 рублёў (50 мл) і прадаецца без рэцэпту. Прэпарат утрымлівае тую ж канцэнтрацыю перметрыну (0,5%), якую рэкамендуе для апрацоўкі абутку ад кляшчоў Томас Мазер. Пры правільным выкарыстанні сродак бяспечны і эфектыўна адпужвае паразітаў.

Як апрацоўваць абутак?

1. Рабіце апрацоўку на вуліцы або на балконе.

2. Шчодра распыліце сродак, каб уся паверхня абутку стала вільготнай.

3. Пакіньце сушыць на адкрытым паветры да поўнага высыхання.

4. Паўтарайце раз на месяц у перыяд актыўнасці кляшчоў .

Мазер сцвярджае, што з яго практыкі, падыходзяць любыя віды абутку: боты, красоўкі, рабочы абутак, нават гумавыя боты. Перметрын не псуе тканіну, скуру ці гуму. Таксама ім можна апрацоўваць вопратку і рыштунак.

Важна:

• Не апрацоўвайце абутак у памяшканні.

• Не дазваляйце катам кантактаваць з апрацаваным абуткам да яго поўнага высыхання — для іх вільготны перметрын таксічны.

А што наконт натуральных сродкаў?

Многія спадзяюцца на алеі лаванды, кедра ці гваздзікі. Аднак, паводле Мазера, яны менш эфектыўныя або дзейнічаюць кароткі час. Пакуль што няма пераканаўчых навуковых доказаў іх надзейнасці. Даследаванні працягваюцца.

Дадатковыя спосабы абароны ад укусаў кляшчоў:

  • Надзявайце высокія шкарпэткі і боты, запраўляйце штаны ў шкарпэткі.
  • Закрывайце ўсе адтуліны ў вопратцы — з дапамогай рэменя, гумак ці шчыльнай тканіны.
  • Выкарыстоўвайце зарэгістраваныя рэпеленты.
  • Ідзіце па цэнтры сцяжынкі, пазбягайце высокай травы і кустоў — там кляшчы асабліва актыўныя.
  • Пасля вяртання дадому аглядайце сябе, дзяцей і хатніх жывёл. Расчашыце сабаку.
  • Адразу пасля прагулкі прыміце душ, каб змыць рэшткі рэпеленту і выпадковых кляшчоў.
  • Вопратку пажадана адразу закінуць у сушылку на высокую тэмпературу на 10 хвілін — гэта знішчае кляшчоў. Рэчы, апрацаваныя перметрынам, майце за звычку мыць асобна.

Каментары8

  • Отец Засандалий
    11.05.2025
    Скипидаром надо пользоваться.
  • таксічны
    11.05.2025
    толькі ён таксічны для коцікаў і некторых сабак. няма сабак - няма кляшчэй, усё лагічна.
  • Беларуска
    12.05.2025
    Žvir, а хвароба Лайма - барэліоз? Не чулі пра такую? Страшная хвароба, бо дрэнна дыягнасціруецца. Яшчэ кляшчы пераносяць эрліхіоз. Ах гэтых хвароб, на жаль, прышчэпак няма. Барэліі перадаюцца, калі нават не клешч, а німфа ўкусіць. Гэтыя пачвары амаль нябачныя, бо маленькія. Калі гаварыць пра энцэфаліт, то прышчэпка не дае гарантыі, што не захварэеце, хвароба проста лягчэй будзе працякаць, але шмат у каго імунітэт не выпрацоўваецца наогул, а чалавек думае, што ёсць прышчэпка, і ўсё ок.

Цяпер чытаюць

«Крыва пакурыў». Алімпійскага чэмпіёна Арамнава затрымалі, збілі і адпусцілі з ІЧУ з крыміналкай3

«Крыва пакурыў». Алімпійскага чэмпіёна Арамнава затрымалі, збілі і адпусцілі з ІЧУ з крыміналкай

Усе навіны →
Усе навіны

У беларускай вёсцы на Смаленшчыне знайшлі жудасную шасціпальцую руку, якой каля 7 тысяч гадоў9

«Нёман» прайграў фарэрскаму «Клаксвіку» ў першым матчы трэцяга раўнду Лігі канферэнцый8

«Дудзя глядзеў? А Дудзь — шпіён». Беларусы расказалі, як цяпер праходзяць праверкі тэлефонаў і апытанні на мяжы14

«Мне літоўцы сказалі не свяціцца, таму што спецслужбы шукаюць, як падабрацца». Франак Вячорка пра пагрозы9

У Барысаве выдзяляюць больш чым мільён даляраў на «адраджэнне яўрэйскіх традыцый»1

У Зэльвенскім раёне начальнік прасіў прабачэння пасля роліка ў TikTok1

Стала вядомая прычына смерці Озі Осбарна1

Расійскія шпіёны сачылі за Грозевым з дапамогай шпіёнскіх акуляраў. Вось як гэта было

Стала вядома, якім можа быць «лёгкі першы крок» Трампа, калі Расія праігнаруе ягоны ультыматум5

больш чытаных навін
больш лайканых навін

«Крыва пакурыў». Алімпійскага чэмпіёна Арамнава затрымалі, збілі і адпусцілі з ІЧУ з крыміналкай3

«Крыва пакурыў». Алімпійскага чэмпіёна Арамнава затрымалі, збілі і адпусцілі з ІЧУ з крыміналкай

Галоўнае
Усе навіны →

Заўвага:

 

 

 

 

Закрыць Паведаміць