У Беларусі прызналі «экстрэмісцкай» калекцыйную манету з Камеруна
Адпаведнае рашэнне было прынята судом Кастрычніцкага раёна Мінска 23 траўня, піша «Вясна».
Гаворка пра манету Snake Island Incident, прысвечаную вайне ва Украіне.
Калекцыйную сярэбраную манету вагой 62,2 грама ў Камеруне выпусцілі накладам у 500 асобнікаў. Яна прысвечана абароне вострава Змяіны падчас поўнамаштабнага расійскага ўварвання ва Украіну.
Таксама спіс «экстрэмісцкіх» матэрыялаў гэтым разам папоўнілі:
- тэлеграм-чат «ГРИФОН501 Chat»;
- старонкі ў інстаграме dzia_k, cabinetsocial;
- профіль у тыктоку KiserVsejaRusi.
Чытайце таксама:
КДБ прызнаў экстрэмісцкім фармаваннем «Беларускую аналітычную майстэрню» Вардамацкага