КДБ прызнаў экстрэмісцкім фармаваннем «Беларускую аналітычную майстэрню» Вардамацкага
Камітэт дзяржаўнай бяспекі Беларусі ўнёс у спіс «экстрэмісцкіх фармаванняў» тры новыя структуры: «Беларускую аналітычную майстэрню» сацыёлага Андрэя Вардамацкага, ютуб-канал «Партызанская хваля», а таксама тыкток-акаўнты ініцыятывы «Дорога в ад». Адпаведнае абнаўленне з’явілася ў спісе МУС 21 мая, на падставе рашэнняў КДБ.
У спісе МУС адзначаецца, што «фармаванне» «Беларуская аналітычная майстэрня» складаецца з «групы грамадзян з ліку стваральнікаў, кіраўнікоў і ўдзельнікаў ініцыятывы. Акрамя Вардамацкага, у спісе згадваюцца Марына Новікава і Павел Усаў, а таксама сайт ініцыятывы — www.bawlab.eu.
«Экстрэмісцкім фармаваннем» прызнаны і ютуб-канал «Партызанская хваля». У сувязі з гэтым фармаваннем не названыя канкрэтныя асобы, звязаныя з рэсурсам.
У спіс трапіла і ініцыятыва «Дорога в ад», звязаная з двума тыкток-акаўнтамі. У спісе пазначаны Генадзь Глушакоў як асоба, звязаная з гэтай ініцыятывай.
У Беларусі абвінавачанні ў «экстрэмізме» звычайна выкарыстоўваюцца ўладамі для ціску на грамадзянскую супольнасць, падаўлення незалежнай думкі і свабоды слова.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары