Колю Лукашэнку занеслі на дошку гонару БДУ
21 мая ў Беларускім дзяржаўным універсітэце прайшла цырымонія абнаўлення Дошкі гонару. Усяго сёлета на Дошку гонару занесеныя 64 чалавекі — выкладчыкі, даследчыкі, студэнты, магістранты, аспіранты і ліцэісты.
Паводле слоў рэктара БДУ Андрэя Караля, гэтая ініцыятыва «дапамагае захаваць памяць пра тых, хто зрабіў важкі ўнёсак у развіццё ўніверсітэта».
Сярод такіх сёлета аказаўся і Коля Лукашэнка, трэцякурснік біялагічнага факультэта.
Дошка гонару была адкрытая ў БДУ ў 2011 годзе, і з тых часоў занясеннем на яе былі адзначаныя больш за 900 чалавек.
Чытайце таксама:
Па правую руку ад Лукашэнкі — Коля, па левую — Насця Казырыцкая. Нагадваем, хто яна такая