Па правую руку ад Лукашэнкі — Коля, па левую — Насця Казырыцкая. Нагадваем, хто яна такая
Дзяўчына, на 49 гадоў маладзейшая за Аляксандра Лукашэнку, часцяком суправаджае яго на публічных мерапрыемствах.
Звяртае на сябе ўвагу рассадка найбліжэйшага кола Аляксандра Лукашэнкі на канцэрце ў «Мінск-Арэне» — фінальным агітацыйным мерапрыемстве «Марафона адзінства».
У цэнтры, натуральна, Аляксандр Лукашэнка. Праваруч ад яго сын Коля. Далей за ім сядзіць Святлана Канашэнка — асабістая доктарка Лукашэнкі, якая некалі адказвала за выхаванне Колі, а цяпер, падаецца, сканцэнтравана на абслугоўванні шпіца Умкі. За ёй відаць арліны профіль гімнасткі Ксеніі Санковіч. А яшчэ далей — прэс-сакратарка Наталля Эйсмант.
Хто ж злева? Побач з Лукашэнкам мадэль Настасся Казырыцкая. І толькі далей за ёй Віктар Шэйман, маці Колі Ірына Абельская, а таксама яе першы сын Дзмітрый Абельскі са сваёй дзяўчынай, пластычным хірургам Дзінай Эль-Дзіэфі Фейсал.
21-гадовая Настасся Казырыцкая ў апошнія гады часта апынаецца побач з 70-гадовым палітыкам, які па ўзросце лепш бы пасаваў ёй у дзядулі.
Упершыню яна з'явілася з Лукашэнкам на навагоднім балі 2022-2023, у 2023 годзе суправаджала яго на бал выпускнікоў і на Дзень Незалежнасці.
Насця — удзельніца конкурсу «Міс Беларусь — 2021». Тады яна не перамагла, але ўрэшце раскруцілася больш за астатніх канкурэнтак.
Казырыцкая вырасла ў сям’і экс-міліцыянта, які звольніўся з органаў прыкладна ў час нараджэння дачкі. Скончыла каледж тэхналогіі і дызайну лёгкай прамысловасці, паступіла ў БДЭУ на спецыяльнасці «бухгалтарскі ўлік, аналіз і аўдыт». Па стане на 2021 год дзяўчына — а ёй было 18 гадоў — лічылася бухгалтарам упраўлення адукацыі адміністрацыі Фрунзенскага раёна Мінска.
У 2024 годзе афіцыйная пасада Казырыцкай гучала так: асістэнт па забеспячэнні дзелавога пратакола ўпраўлення дзяржаўных, афіцыйных і культурных мерапрыемстваў Нацыянальнай школы прыгажосці.
На момант конкурсу ў Насці былі такія параметры: рост 177 см, вага 52 кг, 83-64-88.
-
«І прыходзіў, і парасон над ёй трымаў, і абдымаў, і цалаваў». Маці забітай Таццяны Марцішчанкі расказала пра яе адносіны з бацькам дзіцяці
-
«Трамп закрыў YouTube у Амерыцы? Не». Міністр інфармацыі выказаўся пра магчымасць блакавання YouTube у Беларусі
-
Беларускія хірургі ўпершыню правялі складаную аперацыю на ўнутраным вуху
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома10
Каментары
Паглядзіце ўважліва на выяву. Там адразу дзве дзеўкі, потым - два "эМ" - Коля і вусаты, і толькі потым МЖМ Ваш пачынаецца.