Ціханоўская абмеркавала з новым лідарам КР сітуацыю з Анжалікай Мельнікавай
Кіраўніца Аб’яднанага пераходнага кабінета Святлана Ціханоўская сустрэлася з нядаўна абраным спікерам Каардынацыйнай рады Арцёмам Бруханом, паведамляе яе прэс-служба.
Фота: прэс-служба Святланы Ціханоўскай
Святлана Ціханоўская павіншавала Арцёма Брухана з абраннем на пасаду і выказала словы падтрымкі Каардынацыйнай радзе, адзначыла важнасць гэтага інстытута дэмакратычных сіл, які павінен быць суб’ектам транзіту ўлады ў Беларусі, гаворыцца ў паведамленні.
Падчас сустрэчы таксама абмеркавана сітуацыя з Анжалікай Мельнікавай, яе магчымыя і рэальныя наступствы, неабходныя захады па ўмацаванні бяспекі дзейнасці дэмакратычных сіл агулам, і Каардынацыйнай рады ў прыватнасці.
Паводле слоў спікера, абмяркоўваюцца планы па слуханнях праектаў канцэпцый аб люстрацыі і інстытуце ўпаўнаважанага па правах чалавека. Таксама камісія па рэформах Каардынацыйнай рады плануе прапанаваць дэлегатам Рады паўдзельнічаць у далейшай распрацоўцы законапраектаў новай Беларусі.
Чытайце таксама:
Каханак Анжалікі Мельнікавай — агент беларускіх спецслужбаў з пашпартам прыкрыцця
Азараў: Каханак Мельнікавай браў удзел у правакацыі з Азаронкам і быў узнагароджаны
Латушка адмовіўся ісці ў адстаўку з-за знікнення Мельнікавай. Гэтага запатрабаваў Пятрухін