Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння
Дзякуючы расследаванню выдання The Insider стала вядома, што Анжаліку Мельнікаву ў яе паездках, у тым ліку на Кубу, неаднаразова суправаджаў мужчына спартыўнага целаскладу. Па дадзеных пра авіяпералёты ўдалося вызначыць яго асобу — гэта супрацоўнік упраўлення вайсковай контрразведкі КДБ Беларусі. «Кіберпартызаны» публікуюць дадатковыя звесткі пра яго і ягоную місію.
Магчыма, пэўны час Аляксей Лабееў прадстаўляўся Анжаліцы і яе родным пад выдуманым іменем, дапускаюць «Кіберпартызаны». Але калі б яна звярнулася да іх, то яны, маўляў, змаглі б хутка пацвердзіць яго прыналежнасць да спецслужбаў, бо маюць адпаведныя інструменты для вылічэння такіх агентаў.
Дарэчы, на тым жа рэйсе на Кубу разам з Лабеевым і маці Мельнікавай Аксанай Саўчанка ляцеў і Віталь Саўко, звязаны з ФСБ Расіі. Праўда, пакуль нявядома, меў ён сувязь з паездкай Мельнікавай ці ляцеў па асобных справах.
Паводле звестак «Кіберпартызанаў», Аляксей Вітальевіч Лабееў нарадзіўся ў 1993 годзе ў Слоніме. Ягоны бацька быў вайскоўцам, але пад канец жыцця заняўся бізнэсам. Маці працуе прадаўцом.
Аляксей скончыў БДУ, а ў 2015 годзе ажаніўся з выпускніцай таго ж універсітэта — Марынай (дзявочае прозвішча Міхнавец). У 2019 годзе ў іх нарадзіўся сын Мірон.
Сям’я жыве ў Гродне. Жонка Лабеева служыць у вайсковай частцы №05733 і звязаная з арганізацыяй РМЭС (Расійская мадэль эфектыўнага спакушэння). На яе старонцы пазначана, што яна вучыць мужчын лёгка знаёміцца з жанчынамі і будаваць адносіны.
Улічваючы сувязі Лабеева і ягонай жонкі, ёсць падставы меркаваць, што яна таксама можа быць агенткай рэжыму. У выніку, як мінімум двое агентаў цяпер страцілі магчымасць весці разведвальную дзейнасць.
Каханак Анжалікі Мельнікавай — агент беларускіх спецслужбаў з пашпартам прыкрыцця
З Лондана Мельнікава вылецела на Шры-Ланку, у яе быў каханак спартовага выгляду з Беларусі
Мельнікава крала грамадскія грошы па $2500, пераводзячы на ўласны рахунак
Слова «Унаватуна» значыць «рай». Дзе на Шры-Ланцы адпачывала Мельнікава
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
вайсковай? гэта што - ваенная аперацыя?