Учора Мінск зноў затапіла. Чаму сталіца не гатовая да дажджоў?

Учора Мінск зноў апынуўся пад вадой пасля моцнай залевы. Дажджы паралізавалі рух на многіх вуліцах, залілі падвалы дамоў і гандлёвых цэнтраў, ператварыўшы гарадскія дарогі ў рэкі. Найбольш пацярпелі раёны Нямігі, вуліцы Прытыцкага, Шаранговіча, а таксама нізінныя часткі Уручча і Чыжоўкі. 

Скрыншот з відэа

У сацсетках з'явіліся відэа, дзе аўтамабілі літаральна плывуць, а пешаходы з цяжкасцю пераходзяць праз ваду.

Посмотреть эту публикацию в Instagram

Публикация от Любимый Минск (@minskgoy)

Хоць гарадскія ўлады штогод заяўляюць пра гатоўнасць да непагоды, мінчукі з году ў год зноў і зноў назіраюць адну і тую ж сітуацыю.

У чым прычына: у незвычайным надвор’і ці ў праблемах інфраструктуры, задаецца пытаннем гарадскі тэлеграм-канал This Minsk Media.

Па-першае, нягледзячы на абнаўленні, ліўневая каналізацыя ў Мінску састарэлая і не вытрымлівае сучасных нагрузак. У некаторых раёнах яна не рамантавалася яшчэ з савецкага часу, трубы засмечаныя лістотай, пяском і бытавымі адкідамі.

Па-другое, у горадзе значна паменела зялёных тэрыторый, якія раней натуральна ўбіралі дажджавую ваду. Іх замянілі асфальт і плітка, праз якія вада не пранікае ў глебу, а залівае дарогі і тратуары, перагружаючы дрэнна працуючую сістэму.

Трэцяя прычына — змяненне клімату. Паводле даных сіноптыкаў, у Беларусі ўсё часцей фіксуюцца экстрэмальныя з’явы надвор’я. Залевы, як тая, што прайшла 5 чэрвеня і прынесла да 40 мм ападкаў — амаль месячную норму, — сталі сапраўдным выпрабаваннем для інфраструктуры.

Камунальныя службы, якія працавалі да позняга вечара, заслугоўваюць удзячнасці. Але без маштабнай мадэрнізацыі ліўневай сістэмы і стварэння эфектыўных водазборных рашэнняў праблема так і будзе паўтарацца штогод.

Каментары да артыкула