Магутная залева пакінула пасля сябе не толькі затопленыя вуліцы і паралізаваны рух, але і дзясяткі аўтамабіляў без нумарных знакаў.
Кіроўцы, якія перасякалі глыбокія лужыны, часта гублялі рэгістрацыйныя знакі: іх проста змывала патокамі вады. Знайсці нумар на затопленых вуліцах — сапраўдная ўдача, і мінакі часта размяшчалі знаходкі каля слупоў, агароджаў і дрэў.
Калі вы згубілі нумарны знак, неабходна звярнуцца ў падраздзяленне ДАІ па месцы рэгістрацыі аўтамабіля. Там спатрэбіцца напісаць заяву і апісаць абставіны страты, піша Onliner.by.
Для жыхароў Мінска таксама даступная інфармацыя па тэлефонах: 8 (017) 270-19-19, 8 (017) 270-08-29 — можна даведацца, ці не быў ваш нумар знойдзены і дастаўлены ў аддзяленне.
Калі ж вы, наадварот, знайшлі чужы нумар, то яго трэба перадаць у бліжэйшае аддзяленне ДАІ або АУС альбо паведаміць пра знаходку па вышэйпаказаных тэлефонах.
Каментары