Ці можа пасажыр не плаціць за праезд другі раз, калі ягоны аўтобус стаў з-за дажджу?
У чацвер вечарам Мінск накрыла стыхіяй — моцны дождж, навальніца, парывісты вецер. Коркі ў горадзе падчас залевы даходзілі да 10 балаў, транспарт, у тым ліку грамадскі, проста стаяў. Многія пасажыры тралейбусаў і аўтобусаў не змаглі дабрацца да дому маршрутамі, у якіх аплацілі праезд, і вымушана пераселі на іншыя. У сувязі з гэтым узнікаюць пытанні, піша «Смартпрэс».
Адна з чытачак выдання ў сувязі з гэтым запыталася:
«Я пракампаставала аднаразовы квіток у тралейбусе, які стаў «на аварыйцы» праз дождж, і перасела ў аўтобус таго ж кірунку (які мог ехаць), каб дабрацца да дома. І яшчэ раз аплаціла праезд. Але гэта ж не мая віна, што тралейбус стаў. Ці павінна я аплачваць праезд двойчы ў такой сітуацыі?».
Па тлумачэнні Smartpess.by звярнуўся ў «Мінсктранс», і вось што высветліў.
Па правілах аўтамабільных перавозак пасажыраў і правілах перавозак пасажыраў гарадскім электрычным транспартам, у выпадку тэхнічнай няспраўнасці (паломкі) аўтобуса, тралейбуса, трамвая або па іншых прычынах, па якіх немагчымы далейшы рух па вызначаным маршруце, перавозчык забяспечвае дастаўку пасажыра да пункта прызначэння (патрэбнага прыпынку) па тым жа самым маршруце (кірунку) без дадатковай аплаты праезду і правозу багажу ў наступным аўтобусе, тралейбусе, трамваі, які ідзе следам за тым, што сышоў з лініі.
Гэта значыць, што пры перасадцы ў іншы наземны транспарт таго ж маршруту (напрамку) для пацвярджэння аплаты праезду патрэбен раней аплачаны білет на адну паездку альбо праязны дакумент на БСК (бескантактавы смарт-карце) з пазнакай кампосцера альбо валідатара.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу1
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8282
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне82
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
Каментары