Украіна пачала вырабляць новыя баявыя робаты «Мурашкі»
Міністэрства абароны Украіны кадыфікавала і дапусціла да эксплуатацыі ва Узброеных сілах Украіны айчынны беспілотны наземны комплекс «Мурашка». Пра гэта паведамілі ў Галоўным упраўленні забеспячэння суправаджэння жыццёвага цыклу ўзбраення і вайсковай тэхнікі.
Фота: mod.gov.ua
«Мурашка» — гусенічны рабатызаваны комплекс, прызначаны для падтрымкі падраздзяленняў у складаных умовах, пад агнём праціўніка і на замініраваных участках фронту.
«Мурашка», улічваючы свае габарыты — адзін з лідараў па грузапад'ёмнасці: ён здольны перавозіць больш за паўтоны вагі на дзясяткі кіламетраў. Розныя каналы кіравання дазваляюць выкарыстоўваць комплекс у зоне працы варожых сродкаў РЭБ.
Хадавыя асаблівасці гэтага наземнага рабатызаванага комплекса дазваляюць рухацца па мясцовасці са складаным рэльефам і пераадольваць невялікія броды.