Ukraina pačała vyrablać novyja bajavyja robaty «Muraški»
Ministerstva abarony Ukrainy kadyfikavała i dapuściła da ekspłuatacyi va Uzbrojenych siłach Ukrainy ajčynny bieśpiłotny naziemny kompleks «Muraška». Pra heta paviedamili ŭ Hałoŭnym upraŭleńni zabieśpiačeńnia supravadžeńnia žyćciovaha cykłu ŭzbrajeńnia i vajskovaj techniki.
Fota: mod.gov.ua
«Muraška» — husieničny rabatyzavany kompleks, pryznačany dla padtrymki padraździaleńniaŭ u składanych umovach, pad ahniom praciŭnika i na zaminiravanych učastkach frontu.
«Muraška», uličvajučy svaje habaryty — adzin ź lidaraŭ pa hruzapadjomnaści: jon zdolny pieravozić bolš za paŭtony vahi na dziasiatki kiłamietraŭ. Roznyja kanały kiravańnia dazvalajuć vykarystoŭvać kompleks u zonie pracy varožych srodkaŭ REB.
Chadavyja asablivaści hetaha naziemnaha rabatyzavanaha kompleksa dazvalajuć ruchacca pa miascovaści sa składanym reljefam i pieraadolvać nievialikija brody.