Чалавек з Беларусі з лесвіцай пералез цераз агароджу на мяжы і папрасіў прытулку ў Літве
Міністр унутраных спраў Літвы Уладзіслаў Кандратовіч у інтэрв'ю LRT распавёў аб розніцы падыходаў да грамадзян Беларусі і Расіі, якія шукаюць абароны ў Літве.
Уладзіслаў Кандратовіч. Скрыншот відэа
Міністр унутраных спраў Літвы Уладзіслаў Кандратовіч расказаў, што нядаўна чалавек з Беларусі пералез праз плот на мяжы, каб папрасіць абароны.
Выдварэння яго ў Беларусь не праводзілі.
«На гэтым тыдні адзін чалавек з Беларусі пералез праз плот з лесвіцай і папрасіў гуманітарнай дапамогі, указаўшы канкрэтныя факты. Ён зараз у цэнтры для ўцекачоў, і з ім працуюць па працэдуры», — сказаў Кандратовіч.
Успомніў міністр і іншы выпадак. Паводле яго слоў, расіянін спрабаваў перасячы расійска-літоўскую мяжу па рацэ, каб ухіліцца ад арміі.
Міністр адзначыў, што такія спробы — гэта не адзінкавыя выпадкі. Кандратовіч расказаў, што расіян літоўскія ўлады адпраўляюць назад у Расію.
Чытайце таксама:
Святлана Ціханоўская сустрэлася з міністрам унутраных спраў Літвы. Размова ішла па-беларуску
Міністр унутраных спраў Літвы выказаўся за тэхнічнае ўзмацненне мяжы з Беларуссю
Новы кіраўнік МУС Літвы расказаў, ці трэба закрываць рэшту пунктаў пропуску на мяжы з Беларуссю
Прэм'ер Літвы: Словы Кандратовіча пра блізкасць беларускай нацыі гучаць дзіўна