Пазбаўленне руін касцёла ў маёнтку Ажэшкаў статусу гісторыка-культурнай каштоўнасці назвалі фэйкам
Пасля таго, як узнік розгалас у сувязі з аб'яўленым тэндарам на падрыхтоўку заключэння на пазбаўленне статусу гісторыка-культурнай каштоўнасці руін касцёла ў вёсцы Язвіны Драгічынскага раёна, мясцовыя ўлады заявілі, што не збіраюцца гэтага рабіць, піша Katolik.life.
У драгічынскай раёнцы навіну назвалі фэйкам, хоць на сайце дзяржзакупак тэндар можна ўбачыць і цяпер.
Закупка ўжо была завершана, але яна тычылася не выбару выканаўцы на падрыхтоўку заключэння, а мела на мэце вызначэнне максімальнага кошту закупкі.
Верагодна, пасля вызначэння кошту альбо з прычыны розгаласу ўлады перадумалі пазбаўляць аб'ект важнага статусу. Прынамсі, так заявілі ў райвыканкаме:
«Гаворкі пра выключэнне аб'екта са спісу культурна-гістарычных каштоўнасцяў не ідзе».