Pazbaŭleńnie ruin kaścioła ŭ majontku Ažeškaŭ statusu historyka-kulturnaj kaštoŭnaści nazvali fejkam
Paśla taho, jak uźnik rozhałas u suviazi z abjaŭlenym tendaram na padrychtoŭku zaklučeńnia na pazbaŭleńnie statusu historyka-kulturnaj kaštoŭnaści ruin kaścioła ŭ vioscy Jaźviny Drahičynskaha rajona, miascovyja ŭłady zajavili, što nie źbirajucca hetaha rabić, piša Katolik.life.
U drahičynskaj rajoncy navinu nazvali fejkam, choć na sajcie dziaržzakupak tendar možna ŭbačyć i ciapier.
Zakupka ŭžo była zavieršana, ale jana tyčyłasia nie vybaru vykanaŭcy na padrychtoŭku zaklučeńnia, a mieła na mecie vyznačeńnie maksimalnaha koštu zakupki.
Vierahodna, paśla vyznačeńnia koštu albo z pryčyny rozhałasu ŭłady pieradumali pazbaŭlać abjekt važnaha statusu. Prynamsi, tak zajavili ŭ rajvykankamie:
«Havorki pra vyklučeńnie abjekta sa śpisu kulturna-histaryčnych kaštoŭnaściaŭ nie idzie».
Čytajcie taksama:
Rajadździeł kultury abviaściŭ zbor hrošaj, kab zakansiervavać kaścioł Śviatoha Ducha