У Магілёве супрацоўніца дзіцячага садка выхоўвала малых, размазваючы ім пясок па тварах ВІДЭА

У інтэрнэце з’явілася відэа, на якім жанчына, відаць, выхавальніца дзіцячага садка, груба абыходзіцца з дзецьмі, тыцкае ім у твары рукой і нешта тлумачыць. Паводле сведчанняў відавочцаў, яна нават расцірала дзецям пясок па твары — на відэа бачна, як малыя пачынаюць плакаць, піша «Смартпрэс».

Скрыншот з відэа

Карыстальнікі сацыяльных сетак спадзяюцца, што адказныя за гэта структуры разбяруцца ў сітуацыі і прымуць меры.

У адным з тэлеграм-каналаў, звязаных з сілавікамі, з’явілася паведамленне, што гэты інцыдэнт адбыўся ў адным з дзіцячых садкоў у Кастрычніцкім раёне Магілёва і ўжо прыцягнуў увагу міліцыі.

Усе асобы, знятыя на відэа, як паведамляецца, устаноўленыя, абставіны здарэння высвятляюцца.

Каментары да артыкула