Расія і Украіна правялі чарговы абмен ваеннапалоннымі
Абмен прайшоў 23 ліпеня, як звычайна на беларуска-ўкраінскай мяжы, адразу пасля завяршэння сённяшніх перамоў у Стамбуле. Аднак ён праведзены яшчэ ў межах дамоўленасцяў, дасягнутых на перамовах 2 чэрвеня.
Па выніках сустрэчы ў Стамбуле 23 ліпеня кіраўнік расійскай дэлегацыі Уладзімір Мядзінскі паведаміў, што на мяжы Украіны і Беларусі праводзіцца абмен ваеннапалоннымі ў фармаце 250 на 250.
Прэзідэнт Украіны Уладзімір Зяленскі заявіў, што ў межах гэтага абмену дадому вярнуліся цяжка параненыя і хворыя абаронцы Украіны. Ён адзначыў, што дзякуючы апошнім дамоўленасцям у Стамбуле атрымалася вярнуць больш за тысячу чалавек. Паводле яго слоў, гэта вялікая радасць для тысячы сем’яў, якія змаглі зноў абняць сваіх блізкіх.
Украіна, у сваю чаргу, вярнула групу расійскіх вайскоўцаў. Усе яны цяпер знаходзяцца ў Беларусі, дзе ім аказваюць медыцынскую і псіхалагічную дапамогу. У далейшым іх адправяць у Расію для праходжання лячэння і рэабілітацыі.
Чытайце таксама:
Стала вядома, пра што сёння гаварылі ўкраінцы і расіяне ў Стамбуле
Расія і Украіна завяршылі перамовы ў Стамбуле. Яны ішлі каля 40 хвілін
«Маму трымалі проста ў яме, марылі голадам». Гісторыі ўкраінак, выкрадзеных расейцамі са сваіх дамоў