Расія і Украіна завяршылі перамовы ў Стамбуле. Яны ішлі каля 40 хвілін
Пра завяршэнне чарговага раўнда перамоў паміж украінскай і расійскай дэлегацыямі ў Стамбуле паведаміла ТАСС.
Украінскую дэлегацыю, як і падчас папярэдняга раўнду, узначальваў Рустэм Умераў, а расійскую — Уладзімір Мядзінскі.
У пачатку сустрэчы кіраўнік турэцкага МЗС Хакан Фідан заявіў, што канчатковая мэта перамоў — спыненне агню. Паводле яго слоў, Турцыя разлічвае на іх поспех. Таксама Фідан падзякаваў Уладзіміру Пуціну, Уладзіміру Зяленскаму і Дональду Трампу за намаганні ў арганізацыі перамоў.
Пасля яго ўступнага слова сустрэча ішла ў закрытым рэжыме, але працягнулася зусім нядоўга — усяго каля 40 хвілін. Пра іх вынікі пакуль афіцыйна не паведамляецца, але ТАСС сцвярджае, што бакі нібыта зноў дамовіліся пра абмены палоннымі.
Крыніца расійскага агенцтва «РИА Новости» сцвярджае, што з высокай доляй верагоднасці перамовы ў чацвер не працягнуцца.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары
[Зрэдагавана]