У прапускным пункце «Казловічы» зноў не будзе электрычнасці
30 ліпеня з 11:00 да 14:30 ў пункце пропуску «Казловічы» (з польскага боку — «Кукурыкі») зноў адключаць электрычнасць з-за планавага рамонту электрасетак. Пра гэта паведаміў Дзяржаўны мытны камітэт.
У гэты час на тэрыторыі пункта не будзе электраэнергіі, што можа ўскладніць перамяшчэнне грузавога транспарту. Падобныя работы ўжо праводзіліся 23 ліпеня.
«Казловічы» — адзін з двух пунктаў пропуску на мяжы з Польшчай, адкрытых для грузавікоў. Астатнія віды транспарту перасякаюць мяжу праз «Брэст» (з польскага боку — «Тэрэспаль»).
Паводле Дзяржпагранкамітэта, прапускная здольнасць «Казловічаў» — каля 1200 аўтамабіляў у суткі.
Чытайце таксама:
Беларускія мытнікі адказалі на скаргі адносна доўгага афармлення на мяжы
У Беларусі будуюць чатыры буйныя пляцоўкі чакання каля мяжы
Лукашэнка пра пункты пропуску на мяжы з Польшчай: Ды хай хоць апошні закрыюць
Польшча не разглядае адкрыцця пунктаў пропуску на мяжы з Беларуссю