U prapusknym punkcie «Kazłovičy» znoŭ nie budzie elektryčnaści
30 lipienia z 11:00 da 14:30 ŭ punkcie propusku «Kazłovičy» (z polskaha boku — «Kukuryki») znoŭ adklučać elektryčnaść z-za płanavaha ramontu elektrasietak. Pra heta paviedamiŭ Dziaržaŭny mytny kamitet.
U hety čas na terytoryi punkta nie budzie elektraenierhii, što moža ŭskładnić pieramiaščeńnie hruzavoha transpartu. Padobnyja raboty ŭžo pravodzilisia 23 lipienia.
«Kazłovičy» — adzin z dvuch punktaŭ propusku na miažy z Polščaj, adkrytych dla hruzavikoŭ. Astatnija vidy transpartu pierasiakajuć miažu praz «Brest» (z polskaha boku — «Terespal»).
Pavodle Dziaržpahrankamiteta, prapusknaja zdolnaść «Kazłovičaŭ» — kala 1200 aŭtamabilaŭ u sutki.
Čytajcie taksama:
Biełaruskija mytniki adkazali na skarhi adnosna doŭhaha afarmleńnia na miažy
U Biełarusi budujuć čatyry bujnyja placoŭki čakańnia kala miažy
Łukašenka pra punkty propusku na miažy z Polščaj: Dy chaj choć apošni zakryjuć
Polšča nie razhladaje adkryćcia punktaŭ propusku na miažy ź Biełaruśsiu