Беларус спрабаваў увезці з Польшчы дзясяткі тысяч манет
Беларус, які вяртаўся на радзіму з Польшчы, спрабаваў незаконна перавезці праз мяжу больш за 65 тысяч манет, але быў выкрыты брэсцкімі мытнікамі.
Фота: Дзяржаўны мытны камітэт
37-гадовы кіроўца грузавіка Volvo накіроўваўся праз пункт пропуску «Казловічы», калі мытнікі пры дапамозе спецыяльнага інспекцыйнага абсталявання знайшлі схаваную калекцыю манет.
Усяго яны знайшлі 65,5 тысячы манет з розных краін, розных гадоў і наміналаў, агульным коштам больш за 60 тысяч рублёў.
У адносінах да мужчыны распачаты адміністрацыйны працэс за спробу правозу тавараў без дэкларацыі з утойваннем ад кантролю. Яму пагражае штраф да 1260 рублёў і магчымая канфіскацыя манет.
Чытайце таксама:
У беларуса на мяжы знайшлі 10 залатых манет
Кіроўца рэйсавага аўтобуса хацеў увезці праз мяжу 450 срэбных манет
Кіроўца рэйсавага аўтобуса спрабаваў увезці з Польшчы каля 500 старажытных манет