Павялічыўся памер дапамогі на пахаванне

З 1 жніўня ў Беларусі павялічыўся памер дзяржаўнай дапамогі на пахаванне — цяпер яна складае 2717,8 рубля, што на 65,5 рубля больш, чым раней. Гэта ўжо пятае падвышэнне ў 2025 годзе, якое звязана з ростам сярэдняй заработнай платы ў краіне.

Здымак ілюстрацыйны. Фота: freepik.com

Памер гэтай дапамогі залежыць ад сярэдняга налічанага заробку за два месяцы да таго. Таму для выплат у жніўні ўлічваюцца даныя за чэрвень, калі сярэдні заробак дасягнуў 2717,8 рубля.

Права на атрыманне дапамогі маюць тыя, хто займаўся арганізацыяй пахавання людзей з наступных катэгорый:

• грамадзян за якіх уносіліся абавязковыя страхавыя ўзносы ў ФСАН;
• пенсіянераў;
• афіцыйна зарэгістраваных беспрацоўных;
• непаўналетніх або студэнтаў дзённай формы навучання.

Каб атрымаць выплату, трэба звярнуцца ў органы сацыяльнай абароны па месцы жыхарства з неабходнымі дакументамі, у тым ліку пасведчаннем аб смерці. Спіс дакументаў можна ўдакладніць на месцы.

Каментары да артыкула