52-гадовай мінчанцы прысудзілі калонію за «заклікі да прычынення шкоды Беларусі»
Марыну Мазоўку арыштавалі ў верасні 2024 года.
Марына Мазоўка. Фота з яе старонкі ў Аднакласніках
Марыне Мазоўцы 52 гады. Яна мінчанка. Пра яе вядома няшмат. Мазоўка любіць падарожнічаць — асабліва шмат у ёй фота з Грузіі. Таксама Марына любіць салоны прыгажосці і публікуе кантэнт пра манікюр і іншыя касметычныя працэдуры.
Па звестках партала Dissidentby, жанчыну затрымалі 16 верасня 2024 года. Неўзабаве яе змясцілі ў СІЗА.
Марыну Мазоўку асудзілі ў сярэдзіне 2025 года за «заклікі да прычынення шкоды Беларусі». Вядома, што прысуд звязаны з пазбаўленнем волі. Сутнасць абвінавачання і дакладны тэрмін невядомыя.
На мінулым тыдні Мазоўку ўнеслі ў спіс «экстрэмістаў» МУС. А цяпер яе прызналі палітзняволенай.
Чытайце таксама:
Тлумачым, якім чынам сілавікі знаходзяць карыстальнікаў Telegram і як гэтага пазбегнуць
70-гадовую жанчыну з Гомеля пасадзілі за каментары. Гэта самая пажылая палітзняволеная