Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах
Вадзім Жукоўскі — як мінімум пяты супрацоўнік прадпрыемства, якога арыштавалі пасля аблавы КДБ на прадпрыемства.
Вадзіму Жукоўскаму 37 гадоў. Па звестках Digital Intelligence Team, ён мінчук. Адвучыўся на факультэце тэлекамунікацый у Беларусім дзяржаўным універсітэце інфарматыкі і радыёэлектронікі.
Вадзім Жукоўскі доўгі час працаваў інжынерам-канструктарам на «Пеленгу» — у 20-м упраўленні, на сектары суправаджэння электронных сістэмаў. Ён разам з калегамі робіць у тым ліку тэхніку для расійскіх вайскоўцаў, напрыклад, прыцэлы для танкаў.
Жукоўскага арыштавалі і пасадзілі ў СІЗА адразу пасля аблавы КДБ на прадпрыемства, якая адбылася ўлетку 2024 года. Мужчыну асудзілі ў Мінскім гарадскім судзе па двух артыкулах Крымінальнага кодэкса — «распальванне варожасці або варажнечы» (ч. 1 арт. 130 КК) і «заклікі да дзеянняў, якія прыносяць шкоду Беларусі» (ч. 3 арт. 361 КК).
Жукоўскаму пагражала да 12 гадоў калоніі па 361-м артыкуле. Прысуд і сутнасць абвінавачання невядомыя.
Аблава на супрацоўнікаў Пеленг пачалася ўлетку 2024 года. Яна звязаная са злівам дакументаў прадпрыемства, якія датычыліся абыходу санкцыяў. Былі звольненыя дзясяткі людзей, як мінімум пяць былі асуджаныя па палітычных артыкулах — за ўдзел у пратэстах і «заклікі да прычынення шкоды Беларусі».
«Наша Нiва» — бастыён беларушчыны
ПАДТРЫМАЦЬ
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары