70-гадовую жанчыну з Гомеля пасадзілі за каментары. Гэта самая пажылая палітзняволеная
Сафію Бачурынскую асудзілі да зняволення ў калоніі па чатырох палітычных артыкулах і залічылі ў «экстрэмісты». Ёй пагражала да шасці гадоў.
Сафіі Бачурынскай з Гомеля 70 гадоў. Апошнія гады яна займалася сеткавым маркетынгам.
Сафія жыве актыўным жыццём. Яна любіць падарожжы і за апошнія гады пабывала ў некалькіх краінах ЕС і Украіне. Яшчэ адно хобі жанчыны — маляванне.
Бачурынскую затрымалі ў снежні 2024 года. А ў 2025 асудзілі па чатырох артыкулах — «абраза Лукашэнкі» (ч. 1 арт. 368 КК), «паклёп на Лукашэнку» (ч. 2 арт. 367 КК), «абраза прадстаўніка ўлады» (арт. 369 КК) і «ўваходжанне ў склад экстрэмісцкага фарміравання» (ч. 3 арт. 361-1 КК). Ёй пагражала да шасці гадоў калоніі.
Сутнасць абвінавачанняў невядомая, але выглядае, што справа ў каментарах у тэлеграме. Акаўнт жанчыны быў не абаронены і цалкам адкрыты, таму сілавікам было нескладана яе ідэнтыфікаваць.
Сафіі Бачурынскай прысудзілі пакаранне, звязанае з пазбаўленнем волі. Прысуд уступіў у сілу. Сёння яе дадалі ў спіс «экстрэмістаў» МУС.
Бачурынская цяпер — самая пажылая палітзняволеная сярод жанчын за кратамі. Раней гэта была Ірына Мельхер, асуджаная па справе Аўтуховіча.
«Наша Нiва» — бастыён беларушчыны
ПАДТРЫМАЦЬ
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары