Белчыгунка дапусціла дэфолт па карпаратыўных бондах
Беларуская чыгунка не змагла своечасова выканаць свае фінансавыя абавязкі па карпаратыўных аблігацыях, піша Myfin.by.
Фота ілюстрацыйнае
Як паведаміла Міністэрства фінансаў, яна не выплаціла працэнты за 80-ы і 81-ы перыяды, а таксама не пагасіла аблігацыі 11-га выпуску, якія мелі тэрмін абарачэння з кастрычніка 2018 па чэрвень 2025 года. Менавіта праз гэты выпуск чыгунка прыцягнула 70 мільёнаў долараў.
Гэты выпуск адбываўся пры ўдзеле Банка развіцця Беларусі, а дэпазітарным цэнтрам выступаў Беларусбанк.
У сувязі з парушэннем закона «Аб рынку каштоўных папер» Мінфін забараніў Беларускай чыгунцы выпускаць новыя аблігацыі.
Цяпер у абарачэнні яшчэ застаецца адзін выпуск аблігацый БЧ на суму 30 мільёнаў долараў, які павінен быць пагашаны да канца 2026 года, з працэнтнай стаўкай 6% у год.
Дарэчы, раней прадстаўнік Мінфіна адзначаў, што ў першай палове года дэфолтаў у Беларусі не было, хоць у 2024 годзе нявыкананыя абавязкі па аблігацыях склалі амаль 11 мільёнаў рублёў — гэта толькі 0,2% ад агульнай сумы. Ён таксама патлумачыў, што дэфолт — гэта не адмова плаціць, а затрымка выплат.
Чытайце таксама:
Міліцыя стане больш пільна сачыць за чыгункай
Беларуская чыгунка збіраецца пусціць больш цягнікоў у Маскву