Амерыканскі журналіст Шустэр падарыў Лукашэнку біяграфію Зяленскага
«Я чытаў урыўкі», — сказаў Лукашэнка.
Скрыншот відэа news.by
Амерыканскі журналіст Сайман Шустар падчас інтэрв'ю з Аляксандрам Лукашэнкам падарыў яму сваю кнігу «Шоумен» — пра вайну ва Украіне і Уладзіміра Зяленскага.
Лукашэнка адказаў, што, можа, папросіць яшчэ экземпляр для сваёй бібліятэкі.
«Я чытаў урыўкі», — сказаў ён пра біяграфію Зяленскага (кадры паказалі ў эфіры БТ).
Скрыншот відэа news.by
Раней Шустэр расказваў, што пабачыў у бібліятэцы ў Палацы незалежнасці.
«На кніжнай паліцы стаялі сабраныя творы Аляксандра Дугiна, расійскага імперскага мысляра, якому прыпісваюць стварэнне ідэалагічнай асновы для ўварвання ва Украіну. У іншым куце пакоя, за шэрагам камер, на мальберце стаяла вялікая карціна Уладзіміра Леніна, і Лукашэнка павярнуўся да яе, калі мы прыселі. Ён растлумачыў, што яна ўпрыгожвала сцяну ягонага кабінета яшчэ ў 1980-я гады, калі ён служыў функцыянерам Камуністычнай партыі», — распісваў свае першыя ўражанні ад сустрэчы Сайман Шустар.
Ён пісаў, што лукашэнкаўскія чыноўнікі ўгаворвалі яго зрабіць гэта інтэрв'ю і нават спрабавалі падкупіць. Прэс-сакратарка Лукашэнкі Наталля Эйсмант пакрыўдзілася на гэта.
Чытайце таксама:
Лукашэнка пра магчымасць балатавацца на яшчэ адзін тэрмін: Трампу хутка 80, і ён прыстойна выглядае
Лукашэнка: Калі ўступіць у вайну з Украінай, Беларусь не зможа ўтрымаць фронт