Amierykanski žurnalist Šuster padaryŭ Łukašenku bijahrafiju Zialenskaha
«Ja čytaŭ uryŭki», — skazaŭ Łukašenka.
Skrynšot videa news.by
Amierykanski žurnalist Sajman Šustar padčas intervju z Alaksandram Łukašenkam padaryŭ jamu svaju knihu «Šoumien» — pra vajnu va Ukrainie i Uładzimira Zialenskaha.
Łukašenka adkazaŭ, što, moža, paprosić jašče ekziemplar dla svajoj biblijateki.
«Ja čytaŭ uryŭki», — skazaŭ jon pra bijahrafiju Zialenskaha (kadry pakazali ŭ efiry BT).
Skrynšot videa news.by
Raniej Šuster raskazvaŭ, što pabačyŭ u biblijatecy ŭ Pałacy niezaležnaści.
«Na knižnaj palicy stajali sabranyja tvory Alaksandra Duhina, rasijskaha impierskaha myślara, jakomu prypisvajuć stvareńnie ideałahičnaj asnovy dla ŭvarvańnia va Ukrainu. U inšym kucie pakoja, za šeraham kamier, na malbiercie stajała vialikaja karcina Uładzimira Lenina, i Łukašenka paviarnuŭsia da jaje, kali my prysieli. Jon rastłumačyŭ, što jana ŭpryhožvała ścianu jahonaha kabinieta jašče ŭ 1980-ja hady, kali jon słužyŭ funkcyjanieram Kamunistyčnaj partyi», — raśpisvaŭ svaje pieršyja ŭražańni ad sustrečy Sajman Šustar.
Jon pisaŭ, što łukašenkaŭskija čynoŭniki ŭhavorvali jaho zrabić heta intervju i navat sprabavali padkupić. Pres-sakratarka Łukašenki Natalla Ejsmant pakryŭdziłasia na heta.