Лукашэнка пра магчымасць балатавацца на яшчэ адзін тэрмін: Трампу хутка 80, і ён прыстойна выглядае
70-гадовы Лукашэнка ў інтэрв'ю Time паразважаў пра магчымасць балатавацца ў далейшым, піша БелТА.
Журналіст Сайман Шустэр адзначыў, што пра малодшага сына Мікалая ў заходніх СМІ часта пішуць як пра пераемніка Аляксандра Лукашэнкі на прэзідэнцкай пасадзе.
«Не, ён не пераемнік. Я так і ведаў, што ты хочаш спытаць. Не, не, не. Вось ты ў яго спытай — ты яго можаш так моцна пакрыўдзіць гэтым», — заявіў Лукашэнка.
Аляксандр Лукашэнка дапусціў, што наступным прэзідэнтам Беларусі можа стаць чалавек, які будзе праводзіць некалькі іншую палітыку.
«Толькі адразу няхай нічога не ламае, а так, як я рабіў, — абапіраючыся на плечы моцных, на тое, што ёсць, спакойна эвалюцыйна развіваў краіну, каб не было вось гэтай ломкі рэвалюцыйнай. А калі ён пераканае грамадства, што трэба ісці да нейкага іншага стану, дзеля бога», — сказаў ён.
Лукашэнка таксама адказаў на пытанне, ці плануе ён вылучацца на новы прэзідэнцкі тэрмін: «Не, я цяпер ужо не планую, ужо не планую. Я, адзінае, магу сабе дазволіць дзесьці для сябе, я гэта таксама не агучваў: ну, слухайце, калі Трампу хутка 80 (Трампу зараз 79. — НН), і ён прыстойна выглядае… ».
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам2
Каментары