Сікорскі: Мяжу з Беларуссю адкрыем, калі Кітай нам дапаможа
Міністр замежных спраў Польшчы Радаслаў Сікорскі заявіў, што польскі бок стаіць у пытанні беларускай мяжы цвёрда, але Кітай у гэтым плане можа дапамагчы.
Міністр замежных спраў Польшчы Радаслаў Сікорскі і міністр замежных спраў Кітая Ван І падчас сустрэчы 15 верасня. Фота: МЗС Польшчы
Сікорскі пракаментаваў сустрэчу з міністрам замежных спраў Кітая Ван І падчас сустрэчы 15 верасня.
«Сустрэча з маім кітайскім калегам была вельмі добрай. Мы вырашылі некалькі канкрэтных пытанняў.
Але мы цвёрда стаім на мяжы з Беларуссю. Калі Кітай дапаможа нам, як ён зрабіў у свой час, спыніць правакацыі з боку Беларусі, мяжа будзе адкрыта», — напісаў ён у Х.
У каментары журналістам ён таксама дадаў, што спадзяецца, што гэтым разам Кітай дапаможа ў праблемах з Беларуссю грунтоўна.
«У пэўным сэнсе гэта вельмі проста. Калі гэтая мяжа мусіць быць адкрытай, то там не могуць гаспадарыць нейкія банды псеўдаўцекачоў, якіх прапіхвае Лукашэнка», — заявіў ён.
Польская памежная служба сёння паведаміла, што 17 верасня на мяжы з Беларуссю было зафіксавана больш за 80 спробаў незаконнага пранікнення на тэрыторыю Польшчы. У бок польскіх памежных патрулёў кідалі камяні.
Чытайце таксама:
Бізнэс не ведае, як зараз даставіць тавары з Еўрасаюза ў Беларусь. Цэны на дастаўку шакуюць
МЗС пагражае «мерамі, прадугледжанымі законам» польскім фурам, якія завіслі ў Беларусі
Лагістычныя кампаніі знайшлі альтэрнатыву закрытай мяжы паміж Польшчай і Беларуссю
Лукашэнка загадаў прышчапляць нелюбоў да Польшчы пачынаючы са школы
«Думаў, мяжу закрыюць толькі на ўезд». Беларус расказаў, як вяртаўся на аўтамабілі з Еўрасаюза
Падчас расійскай атакі дронамі на Польшчу жылы дом мог быць пашкоджаны абломкамі польскай ракеты