Журналіст Анджэй Пачобут перанёс у турме аперацыю па выдаленні язваў на скуры. Ён пакутуе на гіпертанію і арытмію
Кіраўніца ліквідаванага ўладамі Саюза палякаў Беларусі Анжаліка Борыс распавяла Newsweek.pl, што асуджаны на восем гадоў журналіст Анджэй Пачобут перанёс аперацыю ў турэмным шпіталі.
Анджэй Пачобут падчас суда. Фота: sb.by
«Ён пакутуе на гіпертанію і арытмію. Апошнім часам у яго часта бывае павышаны ціск. У верасні ў турэмным шпіталі ён перанёс аперацыю — выразалі язвы, што ўтварыліся на скуры», — распавяла Борыс.
Анжаліка Борыс сустрэлася з Анджэем Пачобутам у Наваполацкай калоніі 23 верасня. Яна тады распавядала, што палітзняволены важыць 73 кг — ён правёў у шпіталі тыдзень, дзе атрымліваў неабходныя лекі.