Žurnalist Andžej Pačobut pieranios u turmie apieracyju pa vydaleńni jazvaŭ na skury. Jon pakutuje na hipiertaniju i arytmiju
Kiraŭnica likvidavanaha ŭładami Sajuza palakaŭ Biełarusi Anžalika Borys raspaviała Newsweek.pl, što asudžany na vosiem hadoŭ žurnalist Andžej Pačobut pieranios apieracyju ŭ turemnym špitali.
Andžej Pačobut padčas suda. Fota: sb.by
«Jon pakutuje na hipiertaniju i arytmiju. Apošnim časam u jaho časta byvaje pavyšany cisk. U vieraśni ŭ turemnym špitali jon pieranios apieracyju — vyrazali jazvy, što ŭtvarylisia na skury», — raspaviała Borys.
Anžalika Borys sustrełasia z Andžejem Pačobutam u Navapołackaj kałonii 23 vieraśnia. Jana tady raspaviadała, što palitźniavoleny važyć 73 kh — jon pravioŭ u špitali tydzień, dzie atrymlivaŭ nieabchodnyja leki.