Аднаго з пацярпелых падчас выбуху на «Беларуськаліі» выпісалі на амбулаторнае лячэнне
Прэс-служба Мінздароўя паведаміла, што адзін з чатырох рабочых, якія пацярпелі ў Салігорску падчас выбуху на «Беларуськаліі» 31 кастрычніка, ужо выпісаны з Бальніцы хуткай медыцынскай дапамогі Мінска на амбулаторнае лячэнне.
Здымак ілюстрацыйны. Фота: «Мінск-Навіны»
Астатнія тры пацыенты па-ранейшаму знаходзяцца ў Рэспубліканскім апёкавым цэнтры БХМП Мінска, ім аказваецца ўсебаковая медыцынская дапамога. Двум людзям ужо правялі частковае выдаленне пашкоджаных тканак. Двое па-ранейшаму падключаныя да апарата ШВЛ, пры гэтым у дзяўчыны адзначаецца станоўчая дынаміка.
У бальніцы пастаянна праводзяцца кансіліумы спецыялістаў, у якіх удзельнічаюць прадстаўнікі Міністэрства аховы здароўя, Камітэта па ахове здароўя Мінгарвыканкама, кафедраў БДМУ і іншых устаноў. Пацыенты таксама былі пракансультаваныя галоўным пазаштатным інфекцыяністам Мінздароўя, загадчыкам кафедры БДМУ Ігарам Карпавым.
Чытайце таксама:
Аднаго з пацярпелых падчас выбуху на «Беларуськаліі» перавялі з рэанімацыі ў аддзяленне
Пасля выбуху на «Беларуськаліі» спецыялісты праверылі стан паветра ў рэгіёне
Надзвычайнае здарэнне на «Беларуськаліі»: чатыры чалавекі з апёкамі ў бальніцы